相信大家經常都會遇到一啲家居小問題想自己解決，但係又唔知點做？！我哋一連36集會同大家介紹下有啲咩簡單維修可以自己喺屋企做／DIY。今集會先講下「窗框」問題。
今集同大家講下木製傢俬嘅簡單維修同埋加固。如果木枱／櫈腳唔穩陣又或者有啲輕微鬆脫，可以點做呢？如櫃桶開得唔順，又可以點搞呢？
其實大家知唔知點解廁所／洗手盆成日會俾嘢塞住呢？！我哋今集就講下究竟要用啲咩工具，先可以令到廁所／洗手盆嘅渠去水流暢。
屋企嘅瓷磚經常都會出現裂縫，如果個裂縫唔係太大，其實要自己修補一下都唔係好難㗎咋！今集我哋就講下點樣自己喺屋企DIY去修補瓷磚嘅裂縫。
鐵閘生銹相信人人都遇過。但……究竟有啲咩辦法可以預防或者清理銹蝕呢？
小朋友唔小心𠝹爛雲石檯……地下嘅雲石突然裂咗……唔駛擔心，師傅幫到你。今集我哋嘅師傅將會話俾你哋知，如果屋企嘅雲石傢俬面有裂縫可以點處理。
大家買傢俬嘅時候係咪都會儘量避免買木製嘅產品呢？原因有好多：覺得佢哋好重？好怕難打理？最重要係咪驚佢好易俾蟲蛀呢？今集「木工篇」，師傅會為大家講解下點樣可以防蟲。
突然發現牆身有裂紋？另一邊就有小部分剝落？可以點搞呢？放10萬個心，因為簡單嘅修補並唔難。快啲睇下師傅點講啦！
香港成日落雨，空氣酸性度又高，金屬比較容易生銹。我哋有一啲預防生銹同打理窗框嘅方法。快啲睇下師傅點教大家啦！
如果大家屋企有雲石傢俬／裝飾，究竟可以點樣打理同埋保養呢？係咪就咁用清水清潔就可以呢？定係要用特別嘅清潔劑呢？唔講咁多喇，等師傅同大家講解下啦！
大家日日都會接觸到花灑頭，當遇到花灑漏水時，究竟可以點做呢？原來步驟好簡單㗎咋，只要……去片睇下師傅點講就一定識做㗎喇！
相信好多人都會自己試下喺屋企DIY、油下牆身嘅油咁，但其實有啲嘢係需要注意㗎！快啲去片，睇下要留意啲乜嘢啦！
點樣打理柚木地板係最好呢？又或者柚木地板爛咗／花咗可以點樣處理？依家就即刻俾啲小貼士大家啦！
屋企嘅瓷磚邊經常性都好黑、又好易有污跡，我哋可以點樣打理／清潔佢哋呢？即刻去片，等師傅同大家講解下！
大家都知鐵閘有好多種唔同嘅款式，如掩閘、欖閘、趟閘等等，但你哋又知唔知佢哋各款有啲咩優點、缺點呢？
如果大家想申請驗窗，作為業主嘅你，只要遞交表格，收到通知後，喺指定嘅時間內委任合資格人士到屋企驗窗就可以㗎喇！但……你哋又知唔知驗窗有啲咩程序嘅呢？
櫃門鉸鬆脫好常見，主要由於門鉸質素欠佳、上門鉸技術不當、螺絲日舊失修等原因所致，其實要解決並唔難。今集「木工篇」，師傅會教下大家點樣處理以上嘅問題。
如果屋企牆身嘅油漆甩咗，我哋可以輕輕攞啲油補番佢。咁……如果屋企係用牆紙而又遇到夾口爆開或者爛咗，咁又可以點搞呢？快啲去片，睇下師傅點傳授呢個小小修補技巧俾大家啦！
如果突然發現屋企嘅地磚空洞，可以點搞呢？即刻去片，等師傅同大家講解下 ！
雲石喺家居裝修裡面好常見，可以用作地台、廚櫃面、窗台及牆身等。今集同大家介紹一下唔同嘅雲石特質，等大家係揀選雲石嘅時候就可以比較下喇！
相信好多人都試過水龍頭漏水，會以為好難搞，但其實要處理只需要幾個步驟。快啲去片睇下師傅點講就識做㗎喇！
平時屋企嘅鐵閘無咩問題，大家都唔會特別理佢，但其實只要做多少少嘢保養佢哋，就會耐用好多。咁……究竟要做啲咩去保養佢哋呢？
如果屋企嘅瓷磚腳線鬆脫咗，唔好以為會好難搞。其實……只要幾個步驟就可以解決㗎喇！快啲去片睇下師傅點講就可以自己試下處理喇！
相信好多人都會自己去試下DIY、油下屋企嘅牆，但其實你哋又知唔知一啲好基本嘅油漆知識呢？就好似……油漆一般都會分為溶劑性及水溶性，你哋又知唔知佢哋有咩分別？唔知唔緊要，即刻去片等師傅教你點揀！
廁所水箱經常性無水，究竟有咩原因會發生呢？除咗係因為大廈無咸水供應外，仲有可能嘅係波曲入面嘅隔沙塞咗。咁要點樣搞呢？
對於一般家居用磚，可以分為地台磚同牆壁磚。大家知唔知佢哋有咩好處、壞處呢？其實……又知唔知我哋應該用啲咩磚喺地台？咩磚喺牆身呢？即刻去片，等師傅教你點揀。
木門開合有時會出現問題，一般坊間都會話係因為冷縮熱脹。但……師傅好似有唔同嘅見解喎！想知咩原因會咁，即刻去片睇下就知㗎喇！
每個人嘅屋企都一定有水龍頭，但大家又知唔知使用水龍頭都有啲小知識呢？！即刻去片，等師傅指點下大家啦！
牆身出現黑點，好可能就係發霉而引起嘅。咁……可以點樣去整走啲黑點呢？
鐵閘開得唔順其實有好多原因做成嘅，例如鐵閘開得少而導致生銹。咁……究竟要點做，先可以令到佢開得暢順啲呢？去片，等師傅過你幾招。
廁所漏水最主要有兩個原因：1. 止水皮舊咗需要換過 2. 水箱水位過高。真係遇到呢兩個情況，可以點做呢？
購買瓷磚嘅時候，除咗可以比較價錢、花款同規格之外，仲可以測試埋瓷磚嘅吸水率。要知道點樣試同埋吸水率高與低有咩分別，就唔好錯過師傅嘅介紹喇！
自己喺屋企油油嘅時候，係咪經常會遇到一啲問題唔知咩起因，又唔知點解決呢？好，即刻去片，等師傅為大家講解下啦！
屋企有木製家具好正常，例如木檯、木櫈、木門等等。依家就睇下師傅有啲咩小貼士俾大家啦！
隔氣彎管其實係乜東東？佢又分咗幾多唔同嘅種類呢？！想知道隔氣彎管有咩用，快啲去片睇下師傅講啲咩啦！
嚟到最後一集，我哋要學識點樣令到啲窗框耐用啲！師傅有幾個小貼士俾大家，大家仲唔快啲記低佢？！
最後更新：2018-11-09 08:00:01
